സ്നേഹം  

      

         ഒരാളോട്  എനിക്കു  സ്നേഹം  തോന്നിയാൽ 

          ആ  മുഹൂർത്തത്തിൽ 

         എൻറ്റെ    മുന്നിലുടെ  പോകുന്നവരോടെല്ലാം 

        ഞാൻ  സ്നേഹത്തിലാണ്ണ്‍ 

        ആരോടെങ്കിലും  എന്തിനോടെങ്കിലും 

        വെറുപ്പുതോന്നിയാൽ 

        ആ  നിമിഷത്തിൽ 

        എൻറ്റെ  മനസ്സിലെത്തുന്നവരെയെല്ലാം 

       ഞാൻ  വെറുത്തു .

    

          കാണാതിരിക്കാൻ  കണ്ണടച്ചു 

           എന്നിട്ടും  മനസ്സിൻറ്റെ  കണ്ണിൽ 

          അവർ  അണിനിരന്നു .
         പരിചിതരും  അപരിചിതരും
        മരിച്ചവരും  ജനിക്കാനിരിക്കുന്നവരും .
        ഇവരെയൊക്കെ  ഞാനെന്തുചെയ്യണം
                                                   

        ഞാൻ  സ്നേഹിച്ചു .
        മറ്റെന്തുചെയ്യാൻ  കഴിയും .
          അവരതിഷ്ടപ്പെട്ടില്ല .

         ഓരോരുത്തരും   പറഞ്ഞു .
         എന്നെ  മാത്രം  ഇഷ്ടപ്പെടുക ,
         എന്നെമാത്രം  സ്നേഹിക്കുക
         മറ്റെല്ലാവരേയും  വെറുക്കുക ,

         അവസാനം  ഞാനും വെറുത്തുപോയി ,
        എല്ലാവരേയും  എപ്പോഴും  വെറുത്തു ,
       എന്നെയും .
     
         ഞാൻ  ആരാണ്‌ എന്നാകും നിങ്ങളുടെ  സന്ദേഹം ,
         ഒരുപക്ഷേ ,

        എൻറ്റെ  സന്ദേഹവും  അതുതന്നെയാണ്ണ്‍ .